Ndonëse ishte duke pësuar 1:0 pas pjesës së parë, Barcelona ka fituar ndaj Eintracht Frankfurtit në kuadër të xhiros së gjashtë të Ligës së Kampionëve.
Të martën mbrëma në “Camp Nou”, Barça fitoi 2:1 ndaj skuadrës gjermane.
Të dy golat i shënoi mbrojtësi i krahut të djathtë, Jules Kounde. Ai shënoi për 1:1 në minutën e 50-të, ndërsa për 2:1 në minutën e 53-të. Te goli i parë asistoi Marcus Rashford, i aktivizua në fillim të pjesës së dytë. Lamine Yamal e bëri asistimin për golin e dytë.
Frankfurti kaloi në epërsi 1:0 në minutën e 21-të, me golin e Ansgar Knauff.
Barcelona e shënoi fitoren e tretë dhe doli në vendin e 13-të me 10 pikë. Eintrachti mbetet me katër pikë, ndërsa e mban vendin e 30-të.