Lionel Messi ka reaguar për herë të parë pas humbjes së Argjentinës ndaj Spanjës në finalen e Kupës së Botës 2026, duke ndarë një mesazh emocional për tifozët dhe bashkëlojtarët e tij.
Kapiteni argjentinas pranoi se disfata në finalen e madhe ka lënë një plagë të thellë, por theksoi se do të mbetet gjithmonë krenar për rrugëtimin e ekipit dhe për gjithçka që arritën së bashku.
“Dhimbja është shumë e madhe dhe do të duhet kohë që kjo plagë të mbyllet. Por gjithashtu dua të mbaj mend gjithçka të bukur… Ndeshjet që përmbysëm duke dhënë gjithçka nga vetja dhe që do të mbeten përgjithmonë në kujtesë, mbështetjen e një vendi të tërë, e cila së bashku me punën dhe përkushtimin e këtij grupi na çoi edhe një herë mes ekipeve më të mira në botë. Sot është e vështirë të vlerësojmë atë që kemi bërë, por ky grup arriti në dy finale radhazi të Kupës së Botës. Ju falënderoj nga zemra për çdo urim dhe për çdo mesazh. Edhe një herë arritëm të bashkohemi si vend dhe të jemi të gjithë së bashku, duke ndarë krenarinë e jashtëzakonshme që jemi argjentinas. Gjithashtu dua ta uroj Spanjën për titullin e kampionit”, shkroi Messi.
Messi e mbylli mesazhin e tij me një urim sportiv për Spanjën, e cila triumfoi në finalen e Botërorit 2026 dhe u shpall kampione e botës.
Argjentina u mposht nga Spanja në finalen e madhe të Botërorit, që u zhvillua mbrëmë në “MetLife”, me spanjollët që fituan 1-0 pas 120 minutave.