Mediumi italiane “Tuttosport” ka publikuar pagat e lojtarëve të Juventusit.
Futbollisti i Kosovës, Edon Zhegrova, përfiton mbi tre milionë euro në vit te Juve.
Sipas mediumit të afërt me klubin nga Torino, paga e Zhegrovës, përfshirë bonuset, shkon në 3 milionë e 125 mijë euro në vit.
“Kishte zëra për një largim të mundshëm gjatë afatit kalimtar. Ai shënoi golat e parë për Juven në ndeshjen kundër Sassuolos dhe dha një asistim për Bremerin në ndeshjen kundër Atalantas. Këto shifra pozitive janë diçka që ai shpreson t’i vazhdojë, edhe pse Luciano Spalletti e sheh atë kryesisht si zëvendësues gjatë ndeshjes”, shkruan “Tuttosport”.
27-vjeçari iu bashkua Juves në shtator të vitit të kaluar nga Lille.