Drenica është ndalur në barazim nga Feronikeli 74 të shtunën mbrëma në stadiumin “Bajram Aliu” në Skenderaj.
Ndeshja e xhiros së tetë e Superligës u mbyll me rezultatin 2:2.
Lorik Dobratiqi e kaloi Feronikelin 74 në epërsi 1:0, në minutën e dytë.
Kreshmir Luetiq i skuadrës nga Drenasi shënoi autogol tre minuta më vonë për barazimin e rezultatit.
Drenica arriti të kalojë në epërsi me kapitenin Genc Hamiti që shënoi nga afërsia në minutën e 62-të.
Por, goli i Ibrahim Cërvadikut e vendosi sfidën në minutën e 72-të. Mysafirët menduan se fituan penallti në minutat shtesë, por pas rishikimit të situatës në VAR, u pa pozitë jashtë loje gjatë ndërtimit të aksionit.
Drenica në vendin e shtatë ka 10 pikë, tri më shumë se Feronikeli 74 që ngjitet në pozitën e tetë, përkatësisht të barazhit.