I pandalshëm ka qenë të dielën sulmuesi i Kosovës, Vedat Muriqi. Ai shënoi gol dhe kontribuoi me një asistim në fitoren 2:0 të Mallorcas në udhëtim ndaj Villarrealit. Kjo ndeshje e luajtur të dielën i takoi javës së 13-të të La Ligas spanjolle.
Muriqi shënoi golin e parë në minutën e 32-të, që ishte edhe goli i shtatë i shënuar sezonin aktual në elitën e futbollit spanjoll. Topi në rrjetë përfundoi me ndihmën e një devijimi nga një futbollist i ekipit kundërshtar.
Ndërkohë sulmuesi shtatlartë asistoi në golin e dytë të shënuar nga Ndiaye në minutën e 76-të.
Muriqi u largua nga fusha në minutën e 88-të. Me këtë fitore, Mallorca ngritët në vendin e 12-të me 16 pikë.