Lindon Emërllahu është senzacioni i këtij viti te skuadra e Ballkanit dhe në futbollin e Kosovës.
Me paraqitjet mbresëlënëse në fushën e gjelbër, 19-vjeçari ka bërë për vete të gjithë tifozët.
Përpos në Superligën e Kosovës, Emërllahu ishte fantastik edhe në kampanjën debutuese të Ballkanit në Ligën e Konferencës.
Paraqitjet e mira të mesfushorit kanë rënë sërish në sytë e përzgjedhësit të Kosovës, Alain Giresse.
Burime ekskluzive të FrontOnline bëjnë me dije se Emërllahu ka marrë ftesë nga Përfaqësuesja e Kosovës për sfidat e muajit nëntor.
Lajmin e ka konfirmuar edhe vet futbollisti për portalin.
Në muajin nëntor, Kosova i luan dy miqësore – Armenisë më 16 nëntor dhe ndaj Ishujve Faroe më 19 nëntor.
Ndryshe, përpos Emërllahut, u raportua se ditë më parë se te Kosova do të ftohet edhe mbrojtësi i Llapit, Ilir Krasniqi.
Përpos këtyre dy futbollistëve, nga Superliga e Kosova, portali mëson se mund të ketë edhe ftesa tjera.