Vedat Muriqi i ka bërë të gjithë tifozët e Mallorcas të dashurohen me të. Sulmuesi nga Prizreni ka shënuar 8 nga 13 golat e skuadrës së tij në këtë sezon, si dhe ka dhuruar asistimin në një prej tyre.
Për këtë arsye, faqja zyrtare e La Liga-s në “Twitter” ka shpërndarë një postim, ku i heq emrin Mallorca skuadrës dhe e pagëzon ekipin thjesht me emrin, Muriqi.
Statistikat flasin hapur për të. Futbollisti shqiptar ka shënuar në 5 ndeshjet e tij të fundit në kampionat, duke regjistruar kështu ecurinë më të mirë active, sa i përket golashënuesve në ‘Top-5’ ligat më të forta të Evropës.
