Trajneri i Prishtinës, Ismet Munishi ka thënë futbollistët që nuk pranojnë të luajnë për Kosovën apo Shqipërinë duhet të shpallet ‘non grata’, pra i padëshiruar.
“Ata që nuk e dojnë kombin, nuk vijnë të luajnë për Kosovën apo Shqipërinë, s’kanë çka lypin as me ardh këtu e mu sill knej pari. Ata duhet të shpallën non grata sikur bëjnë shtetet e civilizuar”, ka thënë Munishi në Duelin e Botërorit, transmeton Gazeta Sport.
Ai tutje ka thënë se futbollistët e rinj nuk duhet t’i dëgjojnë baballarët e tyre që për pak pare mund të zgjedhin një kombëtare tjetër e jo Kosovën.
“Nuk duhet me e dëgju babën që dy fjalë s’din me i lidhë dhe ka shku atje prej malit. Kur e ki babën budallë nuk duhesh me e ngu, po duhesh vetë me zgjedh me lujt për kombin tond”, ka thënë ai.