Tirana e ka fituar Superkupën e Shqipërisë në futboll duke triumfuar në ndeshjen dramatike 3:2 kundër Vllaznisë së Shkodrës në stadiumin “Air Albania” në Tiranë.
Kampionia e Shqipërisë, Tirana golin e fitores e gjeti në minutën e dytë shtesë kur Xhixha shënoi për t’ia dhuruar trofeun ekipit kryeqytetas, shkruan Demokracia.com.
Në këtë ndeshje u aktivizuan edhe disa futbollistë nga Kosova, dy prej tyre u regjistruan në listën e golashënuesve.
Florent Hasani realizoi golin e dytë të Tiranës në minutën e 53-të, kur Liridon Latifi shënoi poashtu golin e dytë për Vllazninë në minutën e 86-të.
Për Tiranën si zakonisht në portë ishte portieri prishtinas, Visar Bekaj.
Tirana edicionin e kaluar ishte kampione e Superiores shqiptare, ndërkaq Vllaznia fituese e Kupës së Shqipërisë.