Manchester United ka kaluar tutje në kuadër të EFL Cup, pasi ka mposhtur Aston Villën me rezultat 4-2.
E në këtë takim të rëndësishëm ylli më i madh i Djajve të Kuq, Cristiano Ronaldo nuk luajti fare, pasi nuk ishte i përfshirë as në listën e futbollistëve të ftuar.
Kjo gjë në Angli ngjalli reagime të shumta, duke raportuar mediat se portugezi po ruhej për Kampionatin Botëror ‘Katar 2022’.
Megjithatë ka qenë trajneri i Djajve të Kuq, Erik Ten Hag që ka zbuluar arsyen e vërtetë të mungesës së Ronaldos në këtë sfidë.
Tekniku holandez ka thënë se Ronaldo ka munguar shkaku se është i sëmurë dhe se ai nuk është duke u ruajtur.
“Nuk e di kur do të jetë Ronaldo gati, por nuk jam i shqetësuar”, tha Ten Hag.
“Nuk është e vërtetë që po ruhet, Ronaldo është i sëmurë dhe kjo është arsyeja që nuk po luan”, u shpreh Ten Hag.
Manchester United do të përballet në fundjavë me Fulhamin në udhëtim dhe Ronaldo ende është në dyshim nëse do të luaj.