Sulmuesi Adem Maliqi është kthyer te Llapi. 26-vjeçari u prezantua të mërkurën.
Ai së fundi ishte pjesë e Feronikelit 74, ndërsa u shpreh i lumtur me kthimin te skuadra podujevase.
“Po kthehem sërish në vendlindje dhe në shtëpinë time. Besimin e drejtuesve të klubit do mundohem në maksimum t’ua shpërblej me paraqitje të mira në fushë, normalisht me gola e asistime sepse golat e asistimet na karakterizojnë neve si sulmues. Ekipi është shumë i mirë, pritja ka qenë gjithashtu e mirë dhe na mbetet vetëm të punojmë maksimalisht që t’i arrijmë objektivat e klubit, e që normalisht janë trofetë dhe Evropa”, ka thënë Maliqi për faqen zyrtare të Llapit.
Maliqi është përforcimi i dytë i Llapit deri tash. Të martën e prezantoi edhe Landrit Ramën.