Presidenti i Federatës së Futbollit të Kosovës, Agim Ademi në një intervistë për RTV21, ka thënë se futbolli i Kosovës, ka një ngritje shumë të mirë për këto 9 vjet të pranimit.
“Është formati i terreneve ndihmës dhe ne po e vazhdojmë këtë format. Pra në programin tonë kemi çdo 45 ditë nga një fushë stërvitiore. Këtë po e bëjmë çdo cep të Kosovës, dhe këtë e kemi bërë me memorandume me Komunat. Kemi thënë dhe vazhdojmë ta realizojmë se aty ku një klub ose një shkollë e futbollit që mbledhën më shumë se 50 fwmijë ne do t’ju dergojmë një fushë stërvitore dhe kjo po ndodh”, ka thënë Ademi duke folur më pas edhe për cilësinë e këtyre investimeve.
“Jemi duke bërë fuasha stërvitore me një bari artificiale shumë profesional. Kam dëgjuar duke u folur kinse për cilësinë jo të mirë të e barit. Kjo nuk është e vërtetë. Këto fusha janë me licencë të FIFA, dhe është me përbërje nga çfarë materiali bëhet. Pra është me FIFA dhe UEFA PRO dhe është i garantuar, por sigurisht duhet të mirëmbahen ashtu siç duhet të mirëmbahet fusha me bari natyral”, ka thënë Ademi.