Presidenti i Federatës së Futbollit të Kosovës, Agim Ademi ka vizituar sot Gjilanin saktësisht Lidhjen Rajonale të këtij vendi ku është takuar edhe me përfaqësues të klubeve.
Ademi gjatë këtij takimi ka folur për avancimin e futbollit të këtij regjioni si dhe përmirësimin e infrastrukturës sportive, shkruan Ballkani.info
“Sonte bashkë me anëtarin e KE të FFK-së, Ismajl Ajetin vizituam Lidhjen Rajonale të Futbollit të Gjilanit, ku në një atmosferë të ngrohtë kaluam çaste shumë të mira dhe diskutuam për avancimin e këtij regjioni si dhe përmirësimin e infrastrukturës dhe organizimin sa më të mirë.
Kryetari i LRFGj-së, Armend Misini dhe përfaqësuesit e klubeve shprehen mirënjohje dhe falënderime për kontributin tonë në zhvillimin e futbollit.
Së bashku do të vazhdojmë ta çojmë futbollin në nivele më të larta në të gjitha regjionet”, ka shkruar Ademi në Facebook. /GazetaSport