Ish futbollisti Afrim Muçiqi dhe vite me radhë ishte nënkryetar i klubit të futbollit Prishtina, e ka mirëpritur vendimin e selektorit të kombëtares së Kosovës, Franco Foda.
Muçiqi tha se është vendim i vonuar por i qëlluar për përjashtimin e futbollistëve Edon Zhegrova, Florent Muslija e portierit Arijanet Muriç.
“Absolutisht vendim i qëlluar, sepse ngjyrat e kombëtares së Kosovës, ngjyrat e shtetit duhet të mbrohen në fushë dhe jo në diskotekë, pavarësisht respektit për Zhegrovën, Aronin e Muslijën.
Kosova është më e madhe se të gjithë ne të tjerët”, thotë Muçiqi për gazetën kombëtare “Bota sot”.
Ylli i estradës së Kosovës, ka edhe një pyetje interesante për futbollistët.
“E kam një pyetje: Kur luajnë ata në klubet e tyre, a shkojnë në diskotekë para ndeshjes apo në ndonjë klub nate?
Përkundrazi, ‘shqyhen’, e lënë djersën e fundit për skuadrat e tyre, i pikë uji prej djerse, ndërsa tek ne as që i djersitet fanella”, ka nënvizuar Muçiqi, ish futbollist i gjeneratën e sakrificës.
Muçiqi ka bërë me dije se Kosova ka futbollistë për të dhënë, siç po japin për kombëtare tjera duke dhënë edhe shembull.
“Vendim shumë i vonuar dhe më në fund i qëlluar. Kemi plot futbollistë mi dhënë kombëtares siç po i japim.
Është rasti me Shqipërinë, ku lojtari ynë Ardian Ismajli shënoi dhe bëri rikthimin në rezultat duke i dhënë shans Shqipërisë për Kampionatin Botëror”, ka përfunduar Muçiqi.
FFK ka njoftuar se për këtë arsye selektori ka përjashtuar tre futbollistët:
“Me vendim të përbashkët të përzgjedhësit Franco Foda dhe Federatës, tre futbollistët: Arjanet Muric, Edon Zhegrova dhe Florent Muslija janë larguar nga grumbullimi i ekipit kombëtar, për shkak të thyerjes së rregullores së ekipit kombëtar të vendosur nga përzgjedhësi dhe Federata.
Për masat e mëtejme ndaj futbollistëve në fjalë, do të vendoset nga Komiteti Ekzekutiv i FFK-së. Ndërkohë, ekipit do t’ i bashkohet, portieri që ka qenë në listen e pritjes, Faton Maloku nga FC Drita”,