Kryetari i Federatës së futbollit të Kosovës Agim Ademi ka thënë se Kosova është kandidati kryesor që të merr stadiumin “974” në Doha të Katarit, pas përfundimit të Kampionatit Botëror.
“Është një stadium 974 që është i ndërtuar me 974 kontejner, atë e kemi konfirmuar kemi ba kërkesë me Federatën e Katarit por edhe FIFA-në pasi ai stadium do të demolohet, pasi Dohas nuk i duhen dhe se ata i bën për kampionat”, tha Ademi në RTK.
“Jemi kandidatët më serioz, duke pas parasysh që jemi partner me Federatën e Futbollit të Katarit”.
Megjithatë, Ademi tha se telashe do të jetë bërja e transportit nga Katari në Kosovë, që sipas tij është e kushtueshme.
“Transporti o faktor, edhe pse është i kushtueshëm por shpresojmë ta kemi në Kosovë. Nuk mund të themi 100 për qind që është e kryme por kemi shumë shansa dhe ndoshta jemi federata më së afërmi ne”.