Presidenti i Federatës së Futbollit të Kosovës, Agim Ademi ka reaguar pas lajmeve se FFK-ja nuk është licencuar nga Ministria e Kulturës, Rinisë dhe Sportit.
Ademi ka bërë thirrje klubeve të mos shqetësohen pas raportimeve, duke i siguruar se FFK-ja është në proces të licencimit dhe se ajo do të licencohet.
“Është lajm i pavërtet. Është lajm i rremë. Unë ju them klubeve të mos shqetësohen se askush në botë nuk mund ta ndal licencimin e FFK-së. Jemi në proces të licencimit. Sot na janë kthyer disa dokumente krejtësisht teknike të cilat ne i respektojmë dhe do t’i kryejmë, por ju siguroj që askush nuk mund ta ndal procesin e licencimit”, tha i pari i FFK-së, Agim Ademi në takim të organizuar me gazetarët për fundvit.