Kombëtarja e Kosovës në futboll në javën e kaluar zhvilloi dy ndeshje miqësore, me Armeninë dhe Ishujt Komore që u luajtën në “Fadil Vokrri” dhe dardanët i fituan të dyja ndeshjet.
Megjithatë një dilemë që u hap në opinion ishte ndeshja me Komoret e cila në të njëjtën ditë luajti dy ndeshje.
i Pari i FFK-së, Agim Ademi ka sqaruar se ekipi që është paraqitur në Prishtinë i Kombëtares së Komoreve ka qenë ekipi i parë dhe ajo miqësore ka qenë e organizuar nga UEFA, dhe nuk ka shanse që këtu të vijë ndonjë ekip tjetër, pasi ka qenë miqësore zyrtare.
“Miqësoret i organizon UEFA, ndodh të luhet ndonjë miqësore e parapërgatitur nga dyja federatat, por në këtë rast UEFA i ka rregullat e veta që i cakton
Sa i përket ndeshjes me Komoret, është shumë e thjesht, hynë në listë dhe e sheh që trajneri ka qenë i ekipit të parë dhe gjithë skuadra ka qenë e parë. Nuk ta miraton UEFA të luash me ekip të dytë apo U23 a U21 kur është miqësore zyrtare. Kur është në fazën përgatitore është gjë tjetër por miqësoret zyrtare nuk mund të luash me ekipe të tjera”, ka thënë Ademi në RTK duke folur më pas për të ardhmen e lojtarëve.
“Sa i përket dy ndeshjeve që u luajtën, përveç fitoreve u treguar një karakter i fortë dhe duhet përmendur shpërthimin e Albion Rrahmanit që shkëlqeu me gola. Përshtypje të mirë lanë të gjithë që erdhën, Krasniqi si një lojtar i ri ishte shumë i mirë por edhe të tjerët. Kemi potencial dhe shumë futbollistë të mirë, dhe kjo është shumë e mirë për Federatën, për shtetin dhe Kombëtaren tonë që kemi kaq shumë talente. Ka edhe të tjerë që janë në ardhje e sipër dhe them se Kombëtarja e Kosovës nuk do të ketë telashe me futbollistë për 10 vjet e ardhshme”, ka vlerësuar numëri një i FFK-së, Agim Ademi.