Presidenti i Federatës së Futbollit të Kosovës, Agim Ademi po merr pjesë në Kongresin e 75-të të FIFA-s që po mbahet në Paraguaj.
Sot Kosova po shënon 9 vjetorin e pranimit në FIFA andaj kjo ditë dhe ky kongres është I veçantë për futbollin Kosovar.
“Jam veçanërisht i nderuar që pikërisht sot, në këtë përvjetor të rëndësishëm, ndodhem në Paraguaj për të përfaqësuar Kosovën në Kongresin e 75-të të FIFA-s – një moment që pasqyron më së miri rrugëtimin tonë të jashtëzakonshëm dhe pozitën e merituar që kemi fituar në skenën ndërkombëtare të futbollit.
Në emër të Komitetit Ekzekutiv të FFK-së, uroj gjithë komunitetin e futbollit dhe qytetarët e Kosovës për këtë përvjetor të veçantë. Të bashkuar, do të vazhdojmë të ndërtojmë një Kosovë të fortë – në fushën e gjelbër dhe përtej saj”, deklaroi Ademi.