Presidenti i Federatës së Futbollit të Kosovës, e ka përgëzuar futbollistin më të ri të Kosovës, Albian Hajdari që vendosi t’i bashkohet Kosovës duke e refuzuar Zvicrën.
Ademi ka thënë se guri i rëndë peshon në vend të vet.
Albiani zgjodhi vendin e vetë, zgjodhi vendlindjen e prindërve të tij.
“Është një punë shumë e mirë që është bërë. Dua ta falënderojë Albianin për këtë vendim që është i natyrshëm, pasi ka zgjedhur vendin e vet, ka zgjedhur vendlindjen e prindërve të vet dhe fundi i fundit guri i rëndë peshon në të vet. Dua t’i falënderojë prindërit e Albianit që e kanë rritur me atdhedashuri djalin e tyre”.
“Albiani është një lojtar që ka të ardhme të ndritur dhe të gjithë jemi të lumtur që e kemi në radhët tona. Sigurisht thash që meritën më të madhe e kanë prindërit e tij dhe gjithë baballarët, nënat e familjarët e këtyre futbollistëve që i rrisin fëmijët me ndjenja patriotike për vendin e tyre”, tha Ademi për Telegrafin.