Skuadra e AIK-ut nga Suedia është interesuar për futbollistin e Kombëtares së Shqipërisë U21, Ermir Rashica.
Rashica është duke kaluar momente fantastike në Superiore të Shqipërisë me fanellën e Skënderbeut të Korçës.
20-vjeçari gjatë këtij sezoni në 18 ndeshje, ka shënuar shtatë gola dhe ka barë dy asiste.
Paraqitjet e tija fantastike kanë rënë në sytë e drejtuesve të ekipit të AIK-ut, aty ku luan edhe Bersant Celina.
Skuadra shqiptare pritet t’i mbushë arkat e klubit nga ish-lojtari i Trepçës ’89, pasi në rast se ndodh ky transferim, mund të jetë rreth 800 mijë apo 1 milion euro.
Kujtojmë që Rashica është vetëm 20-vjeç dhe shihet si e ardhmja e futbollit shqiptar.