Ekipi nga Arabia Saudite, Al-Ittihad nuk e ka ndërmend të heqë dorë nga transferimi i sulmuesit Mohamed Salah.
Së fundmi, Al-Ittihadi ka dërguar ofertën e radhës për ta bindur Liverpoolin në lirimin e futbollistit të Egjiptit. Për transferimin e tij, ekipi saudit ka ofruar hiç më pak se 150 milionë euro, raporton “Goal” të hënën.
Bëhet e ditur se Salah është joshur nga oferta e Al-Ittihadit pasi 31-vjeçarit i është premtuar pagë për ta bërë ndër futbollistët më të paguar në Arabinë Saudite.
Liverpooli deri më tani u ka rezistuar ofertave të Al-Ittihadit, por afati kalimtar në Arabinë Saudite mbyllet më 15 shtator.
Salah ka kontratë me ekipin anglez deri në vitin 2025, ndërsa është pjesë e Liverpoolit prej vitit 2017. Këtë edicion në Premier League, ai ka shënuar 1 gol dhe ka bërë 2 asistime në tri ndeshje të luajtura.