Sulmuesi Alban Ajdini ka vazhduar me paraqitje të mira për Lausannen në kategorinë e dytë të Zvicrës. Të premten Ajdini shënoi gol në minutën e 95-të për fitoren 2:1 të Lausannes në udhëtim ndaj Wilit. Ndeshja i takoi xhiros së 31-të të Challenge League.
Ajdini hyri në lojë në fillim të pjesës së dytë. Në minutat shtesë realizoi supergol, me goditje nga një kënd shumë i vështirë për tri pikë. 23-vjeçari ka dhjetë gola e dy asistime në 31 paraqitje këtë edicion.
Ajdini prej edicionit të ardhshëm pritet të luaj në Superligën e Zvicrës. Është në kontakt me katër skuadra elitare helvetike.
Ai më herët është paraqitur te Servette, ndërsa në tri edicionet e fundit luan për Lausannen.