Komuna e Gjilanit në krye me Alban Hysenin me 31 maj i ka dhënë tenderin për renovimin e stadiumit të Gjilanit grupit të operatorëve ekonomikë që ofruan ofertën më të shtrenjtë.
Kjo sipas dokumentit që ka siguruar Gazeta Infokus me të cilin Komuna i është drejtuar konzorciumit me letrën standarde për tenderuesin e sukseshëm.
Hyseni i dha këtë tender konzorciumit “Demiri Cartenbau CmblI”, “Avag Group SH.P.K”, “Bl-Bau. SH.P.K., “Bujar Shabar”, “B.L: Kosova”, “Asfalt SH.P.K”, “K.N.T.SH. Teuta – M”, “SH. R.M. Lagerstrasse 1-1”, “6600 Lubendorf” për 14 milionë e 997 mijë euro.t
Për afro 2 milionë euro më shtrenjtë se sa kishte ofertuar grupi më i lirë në listën e tre konzerciumeve.
Gazeta Infokus kishte raportuar ekskluzivisht një muaj më parë për “Procesverbalin e hapjes së tenderit” me ofertat e të tre kompanive, ku konzerciumi i lartëcekur ishte i fundit në listë me ofertën me çmimin më të lartë konkretisht
Çmimi më i ulët që i ishte ofruar komunës së udhëhequr nga Hyseni ishte 13 mijë e 274 euro.
E megjithatë komuna në letrën për tenderuesin më të sukseshëm shkruan se ky grup i operatorëve ekonomikë kishin ofertuar cmimin më të ulët.
“Kemi kenaqesine te ju njoftojme se ju keni dorezuar [tenderin me mimin më te ulët] si pergiigje ndaj [njoftimit te kontrates] per aktivitetin e prokurimit te lartcekur. Juve ju eshte dhenë kontrata me mimin e ofertuar dhe sipas kushteve te saktesuara në tenderin tuaj dhe ne pajim me afatet dhe kushtet te cilat kane gene te specifikuara ne Njoltimin per Kontrate dhe ne dokumentet te cilat e perbejne dosjen e tenderit. Cmimi i cili shte ofertuar 14,997.804.00 euro”, thuhet në letrën standarde për tenderuesin e sukseshëm.
Procesi i renovimit pritet të nisë së shpejti dhe sipas Ministrisë së Kulturës renovimi do të zgjasë 5 vite.
Ky projekt për vite të tëra mbeti pa u nisur. E premtimin për përfundimin e këtij projekti e dha edhe kryetari i Gjilanit nga Vetevëndosje, Alban Hyseni në bashkëpunim me Ministrinë e Kulturës, Rinisë dhe Sportit në krye me Hajrullah Çekun.
Çeku kishte deklaruar se kanë ndarë edhe 15 milionë euro për renovimin e stadiumit duke qenë se sipas tij me problemet e mëdha që kishte në këtë tender që nuk përfundoi asnjëherë, problemi do të vazhdonte deri në viti 2054.
Mirëpo edhe këta të fundit nuk kaluan pa probleme. Në janar të këtij viti kur edhe pritej të kryhej procedura e prokurimit tenderi për renovimin e stadiumit u pezullua.
Ky vendim u mor pas kërkesës për ri-shqyrtim të tenderit të parashtruar nga Operatori Ekonomik Bardhi Ndërtim SH.P.K. Kompani kjo nën pronësinë e biznesmenit, Bardhyl Zuka.
Si duket së shpejti renovimi i stadiumit do të fillojë pasi Hyseni i dha tenderin me procedura të hapur kompanisë më të shtrenjtë.
