Ambasadori në shkuarje i Britanisë së Madhe në Prishtinë, Nicholas Abbott përmes një postimi në Facebook ka shkruar për takimin lamtumirës që kishte me presidentin e Federatës së Futbollit të Kosovës, të cilin e ka cilësuar si një mik të madh të tij, derisa e ka falënderuar për mirëpritjen dhe bashkëpunimin e mirë që kishte.
Abbot i ka përmendur dy pikat ë të rëndësishme që kishte gjatë mandatit të tij derisa ka luajtur ndeshjen me Anglinë dhe Irlandën e veriut që kishte luajtur Kosova, derisa dy ndeshjet i kishte përcjellë në shoqëri të Ademit.
“Takova mikun tim Agim Ademi nga Federata e Futbollit të Kosovës për t’i dhënë lamtumirën.
Dy nga pikat më të rëndësishme të kohës sime këtu ishin pritja e jashtëzakonshme që skuadra e Anglisë dhe mbështetësit morën në vitin 2019, si dhe shansi për të parë ndeshjen e Irlandës së Veriut me Kosovën në Belfast në 2022, i shoqëruar nga Agimi si dhe Ministri i Kulturës dhe Kryetari i Bashkisë të Prishtinës.
Sporti vazhdon të bashkojë dy vendet tona”, ka shkruar Abbott. /GazetaSport