Presidenti i Federatës së Futbollit të Kosovës, Agim Ademi, ka pritur sot në takim ambasadorin e Republikës Federale të Gjermanisë në Kosovë, Jorn Rohde.
Rohde që njihet si një adhurues i madh i futbollit është impresionuar me punën që po bëhet në këtë institucion dhe ka përgëzuar drejtuesin e FFK-së dhe ka afruar mbështetje për këtë federatë.
Rohde ka shprehur falënderimet e tij për mikpritjen dhe u nda shumë i kënaqur nga progresi që Kosova ka arritur në fushën e futbollit dhe sportit në përgjithësi
Në anën tjetër, presidenti Ademi shprehu mirënjohjen e tij të thellë për mbështetjen e vazhdueshme që Gjermania ka treguar ndaj Kosovës në fusha të ndryshme, e veçmas për futbollin. I pari i FFK-së theksoi rëndësinë e përkrahjes së mëtejme gjermane për zhvillimin e futbollit në vendin tonë, derisa theksoi se këtë muaj Gjermania do të jetë epiqendra e futbollit, pasi do të jetë mikpritëse e Kampionatit Evropian 2024. /Ballkani.info