Kapiteni i Kombëtares së Kosovës, Amir Rrahmani, arriti t’i bëjë krenarë gjithë shqiptarët kur u shpall dy herë kampion i Serie A me Napolin, madje në të dyja herët ai ishte protagonist duke u vlerësuar si futbollisti kyç në skuadër.
Megjithatë, kjo duket se i ka dhënë më shumë ‘trimëri” sesa duhet kapitenit dardan. Ai pasi u përfshi në një zënkë me Dardanët, kohëve të fundit sulmoi tifozët e Kombëtares se nuk ka ultras, derisa nuk kurseu as gazetarët sportivë të Kosovës së nuk po i përcjellin ngjarjet e tij si i meriton.
Amiri, paska harruar që gazetarët sportivë të Kosovës kanë bërë shpesh 3 mijë kilometra rrugë për ta përcjellë atë dhe ekipin e Kosovës. Gazetarët e Kosovës, aty ku iu është dhënë mundësia kanë folur dhe shkruar me krenari për të, por ja që ai po i harron këto.
Amiri u kritikua shumë për dy ndeshjet e fundit miqësore që Kosova i zhvilloi në qershor me Armeninë dhe Ishujt Komore, pasi ai kishte zgjedhur pushimet e jo përfaqësimin e vendit, me një fjalë Rrahmani është futbollisti i vetëm që vjen kur të donë në ekipin kombëtar, madje mos të harrojmë se ai u akuzua edhe për ndeshjen vendimtare me Maqedoninë, kur nuk iu bashkua Kosovës, por ishin gazetarët e Kosovës dhe Dardanët që i dolën në krah, por as kjo nuk po vlen për të.
Ai kohëve të fundit Kombëtaren sikur e ka hobi.
Është e ligë nga ana e tij të thuhet se Kosova nuk ka tifozë (ultras), kur dihet se Dardanët gjithmonë e kanë mbushur plotë stadiumin “Fadil Vokrri” dhe vlerësohen si tifozët më të zjarrtë të kombëtareve në Evropë.
Është e ligë të thuhet se gazetarët nuk e përcjellin si duhet atë dhe se ata bëjnë vetëm “Copy past”, kur dihet se në çdo ndeshje të kombëtares gazetarët janë aty, me gjithë ato problemet e mëdha financiare që i kanë.
Amir, Kosova të ka rritë, kujtoje Kosovën e Prishtinës, kujtoje trajneri Haki e sidomos trajnerin Bushin që kanë punuar në hapat e parë të tu, kujtoje edhe Ramiz Sadikun. Kjo Kosovë të do shumë, këta gazetarë të duan shumë, janë krenar me ty, kthejua ashtu siç e meritojnë pasi nuk është e drejtë nga ana juaj t’i sulmosh.
Mos harro karriera është e shkurtër, ti kurrë nuk do të bëhesh as italian as gjerman, ti do të jesh dardani ynë gjithmonë, por me ketë qasje mund t’i largosh të gjithë.