Cristiano Ronaldo është një nga lojtarët më të përfolur gjatë këtyre ditëve, kjo për shkak se dyshohet që portugezi ka kërkuar largimin nga Portugalia për shkak të mos inkuadrimit në lojë ndaj Zvicrës në Kupën e Botës ‘Katari 2022’.
Për këto probleme ka folur edhe trajneri i Real Madridit, Carlo Ancelotti. Italiani jep një mesazh të madh për lojtarin e Portugalisë.
“Kam punuar 2 vjet me Cristiano Ronaldon. Nuk kam pasur probleme. Përkundrazi, Ronaldo më ka zgjidhur problemet. Si mund ta quash problematik një njeri të tillë? Ai kujdeset mirë për veten. Punon vazhdimisht. I kushton vëmendje çdo detaj. Ai është një futbollist i jashtëzakonshëm”, ka thënë Ancelotti.
Kombëtarja e Portugalisë të shtunën zhvillon ndeshjen çerekfinale në Kupën e Botës, dhe si kundërshtar do ta ketë Marokon – që eliminoi para disa dite Spanjën pas penalltive.