Carlo Ancelottit, trajneri i Real Madridit, i vjen keq për humbjen 4-2 ndaj Atlético Madrid, që eliminoi skuadrën “los blancos” në raundin e 16-të të Kupës së Mbretit, një hakmarrje e vogël për Superkupën në Arabinë Saudite javën e kaluar, në të cilën Reali fitoi në gjysmëfinale.
Kishte një kritikë të nënkuptuar ndaj Vinícius Júnior, i cili humbi një top që i lejoi Griezmann ta çonte rezultatin 3-2 në kohën shtesë.
“Skuadra luajti shumë mirë, konkurroi deri në fund, u kthyem nga dy disavantazhe, dy topa goditën shtyllën, një gol i anuluar. Humbëm, duke rrezikuar një lojë të panevojshme. Humbja e topit na ndëshkoi”,- tha ai pa përmendur emra, por duke lënë të nënkuptohet gabimi i Vinicius kundër Griezmann, i cili e dërgoi në portën e Realit, duke i dhënë epërsinë 3-2 bardhekuqve.
Më vonë, Ancelotti e zbuti fjalën e tij dhe theksoi se braziliani “ishte vendimtar në pjesën e dytë për të rikuperuar lojën, ai dha një asist, nuk shënoi, por ishte në një nivel shumë të mirë”. Ai foli për një “mëkat të rinisë”: “Pak nga pak do të mësojë, ka pasur shumë duele, ndonjëherë nuk e mban dot kokën gjakftohtë, është e kuptueshme”. /GazetaSport