Trajneri i Real Madridit, Carlo Ancelotti lavdëroi Jose Mourinhon për arritjet në një klub si Roma.
Anelotti duartrokiti arritjet e Mourinhos te Roma, pavarësisht se nuk llogariten mes skuadrave elitare në Evropë.
“Ai ka qenë i suksesshëm edhe nëse Roma nuk llogaritet ndër skuadrat më të mira. Nuk është për t’u habitur sepse Mourinho është një person i ndershëm dhe një trajner i madh, kështu që ai ndërtoi një lidhje të mrekullueshme me tifozët, gjë që është pozitive”, ka thënë Ancelotti. Portugezi Mourinho udhëhoqi Romën drejt trofeut të parë të madh evropian në më shumë se 60 vjet në sezonin e tij të parë në klub. Ai humbi mundësinë për ta fituar Ligën e Evropës vitin e kaluar duke humbur nga Sevilla në finale. Mourinho më herët ka drejtuar Real Madridin.