Gazetari i mirënjohur kosovar, Andin Lokaj ka reaguar pas një lajmi të publikuar sot se MKRS-ja nuk e ka licencuar Federatën e Futbollit të Kosovës, madje u ka ndaluar edhe klubeve ligjin për sponsorizim, derisa ka kërkuar nga Komunat t’ua ndalojë klubeve të luajnë në stadiumet e tyre, shkruan GazetaSport.info
Padyshim kjo është një ndërhyrje direkte dhe shumë e pakuptim e kësaj Ministrie e cila duket se ka për qëllim ta kap edhe këtë institucion.
Lokaj ka thënë se kjo ndërhyrje po e rrezikon shumë përjashtimin nga UEFA e FIFA.
Postimi i plotë i Andin Lokajt
KFILLU MKRS
Anomalitë në këtë shtetin tonë të cilin e kontrollojnë aktualisht ata që ishin gjithmonë kundër ndërtimit të tij, nuk kanë të ndalur.
Andaj po rikthehem me këtë postim.
Lajmi i fundit i tmerrshëm i cili edhe njëherë e rrezikon zhvillimin e shtetit dhe të sportit kryesor futbollit në veçanti, është mos licencimi i Federatës së futbollit nga ana e Ministrisë së Kulturës dhe sportit.
Madje kjo Ministri e cila është gjithçka veq Ministri e Sportit, iu ndaloi klubeve edhe ligjin për sponsorizim.
Ky është sulm direkt ndaj FFK-së dhe përzierje brenda punëve të Institucionit kryesor sportiv në vend.
Kjo ndërhyrje është shumë e rrezikshme për të ardhmen e futbollit tonë, ngase kjo Ministri aq dinë, sa që ende nuk e ka të qartë se një ndërhyrje si kjo e rrezikon përjashtimin e futbollit kosovar nga të gjitha garat, në nivel klubesh dhe reprezentativ në skenën ndërkombëtare.
KFILLUNI