Pikë të madhe e ka vlerësuar Federata e Futbollit të Andorrës, pikën e marrë ndaj Kosovës në kuadër të kualifikimeve për Kampionatin Evropian të vitit të ardhshëm.
Andorra, të martën mbrëma luajti 1:1 në stadiumin “Fadil Vokrri” për ta arkëtuar pikën e parë në këto kualifikime pas dy ndeshjeve të zhvilluara.
Pas barazimit, ka reaguar Federata e Futbollit të Andorrës, e cila i është gëzuar pamasë pikës së fituar në Kosovë.
“Një Andorrë e madhe merr pikën e parë në Kosovë”, ka shkruar ndër të tjera në sajtin e saj zyrtar.
Për Kosovën, ishte barazimi i dytë në dy ndeshje, por edhe hap prapa në rrugën për kualifikim në Euro 2024.