Federata e Futbollit të Rumanisë ka njoftuar sot së është ankuar në CAS, për dënimin e rëndë që morën nga UEFA për ndeshjen e ndërprerë në 15 nëntor të këtij viti në Bukuresht ku u përballën Rumania dhe Kosova.
Sipas Kryetarit të Federatës së Futbollit të Rumanisë, Razvan Burleanu, Kosova nuk e mori dënimin e merituar, por ishte Rumania e cila u sanksionua më shumë.
Drejtori i Kombëtares së Kosovës në futboll, Muharrem Sahiti në një bisedë për Ballkani.info, ka deklaruar se rumunet kanë frikë që CAS do të vendos në favor të Kosovës, prandaj janë ankuar, derisa ka thënë se presidenti Ademi për disa ditë ka qëndruar në Zvicër dhe ka takuar njerëz shumë profesional me të cilët është konsultuar pëë këtë çështje.
‘Rumunet kanë frikë që mund te dënohen më shumë, ne nuk merremi me ta, kështu që kemi me prit vetëm vendimin e fundit. Dënimi ka qenë shumë i vogël për rumunët’, tha fillimisht Sahiti, duke shtuar.
“Presidenti Agim Ademi ka qëndruar në Zvicër disa ditë për këtë çështje dhe është konsultuar me njerëz shumë profesional që kanë mbrojtur lëndë të tipit të tillë dhe mendojë se kemi mu mbrojë në mëryen më të mirë të mundshme.
Pra nuk përjashtojë mundësin e angazhimit edhe të njerëzve nga jashtë për të na ndihmuar në këtë çështje dhe besojmë fuqishëm se gjithçka do të jetë në anën tonë”, ka përfunduar Sahiti.