Arbnor Muja ka treguar sërish paraqitje të mirë me Antwerpin.
Antwerpi mbrëmë luajti në udhëtim kundër Westerlos, në ndeshjen e vlefshme për javën e 18-të në Jupiler Pro League.
Kjo ndeshje, që u zhvillua në stadiumin “Het Kuipje”, përfundoi me rezultatin 3:3.
Arbnor Muja ishte titullar dhe e luajti për 90 minuta, teksa kontribuoi duke asistuar te goli i parë i mysafirëve, që u shënua nga Michael Frey (51’).
Për sulmuesin kosovar ishte ky asistime i tij dytë, përfshirë edhe atë në ndeshjen e kaluar, kundër Standard Lieges në Kupën e Belgjikës.
Vincent Janssen (86’) dhe Calvin Stengs (88’) shënuan dy golat tjerë për Antwerpin.
Maxim de Cuyper (44’), Nicolas Madsen (47’) dhe Mathias Fixelles (65’) ishin golashënuesit e skuadrës vendase.
Antwerpi pas këtij barazimi ka 36 pikë dhe ndodhet në pozitën e tretë në tabelë, kurse Westerlo është i shtati me 27 pikë.