E ardhmja e Ardian Ismajlit do të jetë larg Empolit. Kontrata e qendërmbrojtësit të Shqipërisë skadon në fund të këtij muaji dhe ai pritet ta vazhdojë karrierën diku tjetër.
“Pianetaempoli.it” ka shkruar të premten se Ismajli pritet të transferohet te Beshiktashi në elitën e futbollit të Turqisë. Te Beshiktashi luajnë edhe Milot Rashica e Ernest Muçi.
Empoli nuk e siguroi mbijetesën në Serie A dhe në edicionin tjetër do të bëj gara në kategorinë e dytë italiane.
28-vjeçari në edicionin e kaluar i zhvilloi 31 ndeshje, 29 në Serie A e dy të tjera në Kupën e Italisë.
Ismajli ka 44 paraqitje dhe tri gola të realizuar për Shqipërinë.
Në Itali është raportuar se për Ismajlin janë interesuar edhe Napoli dhe Juventusi.