Të premten Argjentina zhvillon ndeshjen ndaj Holandës në çerekfinale të Botërorit ‘Katar 2022’.
Do të jetë një përballje mjaft e vështirë për argjentinasit, pasi Holanda ka treguar formë të mirë në Katar.
Trajneri Lionel Scaloni ka treguar se stërvitja e fundit e ekipit të tij ka qenë me dyer të mbyllura dhe është befasuar kur është pyetur për lëndimin e Rodrigos.
“Dje kemi pasur stërvitje me dyer të mbyllura. Nuk e di si e dini se Rodrigo mund të jetë i lënduar. Pra, nëse ata ndihen mirë, atëherë do të shohim në stërvitjen e sotme nëse do të jenë në formacion”, tha ai.
Argjentina kaloi në çerekfinale të Kupës së Botës pasi eliminuan Australinë me rezultat 2-1 në 1/8 e finales.