Dinamo e Zagrebit u mposht 4:0 në stadiumin “Maksimir” të martën mbrëma nga Milani në Ligën e Kampionëve.
Skuadra kroate nuk do të mund ta kalojë fazën e grupeve pasi ka vetëm katër pikë në pesë ndeshje, por do të mundohet që ta vazhdojë garën evropiane në Ligën e Evropës.
Kapiteni i skuadrës së madhe kroate, Arijan Ademi, u ka kërkuar falje tifozëve, por ka njoftuar se në Londër do të shkojnë për të bërë paraqitjen e mrekullueshme.
“Milani tregoi se është më i mirë. Ndiej keqardhje për tifozët që ishin fantastikë. Goli i dytë ishte vendimtar. Në Milano ishim afër rikthimit të rezultatit, por këtu kemi bërë gabime të cilat nuk do të duhej t’i bënim. Tani do të shkojmë në Londër për të bërë mrekullinë”, ka thënë Ademi pas ndeshjes.