Kreu i Federatës Kineze të Futbollit, Çen Shujan, është arrestuar nën akuzën e korrupsionit. Kjo është bërë e ditur nga organi i njohur i Partisë Komuniste të Kinës. Ekzekutivi më i lartë u vu nën hetim nga organet sportive ndërkombëtare dhe provinciale të Hubeit.
Nuk u dhanë detaje në lidhje me akuzat kundër Çen Shujanit, i cili shërbeu si zëvendësdrejtor i Autoritetit Portual të Shangait, sekretar partie dhe kryetar i Shangai International Port Co, i zgjedhur kryetar i CFA në gusht të vitit 2019 dhe zëvendës sekretar i CFA, në dhjetor të së njëjtit vit. Pavarësisht përpjekjeve ekonomike dhe investimeve të shumta, Kina u kualifikua për herë të fundit në Kupën e Botës 20 vjet më parë. Presidenti dhe lideri i partisë Xi Jinping është përpjekur ta bëjë vendin një superfuqi futbolli, por financimi dhe entuziazmi janë pakësuar.
Gjatë viteve të fundit, disa trajnerë të huaj dhe kombëtarë kanë qenë pjesë në stolin kombëtar. Klubet në divizionin më të lartë të Kinës kanë paguar rroga të larta për të tërhequr talentë të huaj, por liga është shembur për shkak të politikës dhe gjendjes së keqe ekonomike të vazhdueshme.