Emir Sahiti do të largohet nga Hajduku i Splitit për të vazhduar karrierën te skuadra gjermane e Bundesliga 2, Hamburg.
“Index.hr” ka shkruar se klubet kanë arritur marrëveshje dhe se sulmuesi i krahut do të udhëtojë së shpejti për në Gjermani për të kryer kontrollimet mjekësore.
Hajduku do të përfitojë 1,2 milionë euro nga shitja e 25-vjeçarit Sahiti, ndërsa prej kësaj shume, Rabotniçki i Shkupit përfiton 20 për qind.
Hamburgu për kohë të gjatë e ka kërkuar Sahitin. Dy vjetë më parë gjermanët i kishin ofruar tre milionë euro, por Hajduku kishte kërkuar 4,5 milionë. Dhe tani Hajduku duhet të kënaqet me fitim prej rreth 960 mijë euro.
Sahiti te Hajduku luan prej viti 2018. Ka luajtur 121 ndeshje për klubin e madh kroat, ndërsa ka shënuar 18 gola dhe i ka asistuar 16 të tjerë.