Transferimi i Edon Zhegrovës te Juventusi është vetëm çështje orësh.
Eksperti i transferimeve, Fabrizio Romano, ka raportuar të dielën se Juventusi ka arritur marrëveshje për të nënshkruar me reprezentuesin e Kosovës, Zhegrovën.
“Zonja e Vjetër” do të paguaj rreth 20/25 milionë euro për kartonin e sulmuesit të Lillet.
Zhegrova ka kohë që ka arritur marrëveshje personale me Juven.
Juventusi deri më tani është përballur me një pengesë. “Zonjës së Vjetër” i duhej ta shiste Nico Gonzalezin dhe një gjë e tillë pritet të ndodhë së shpejti.
Gonzalez do t’i bashkohet Atletico Madridit në formë huazimi për një vit.
Zhegrova për shkak të një lëndimi nuk ka luajtur prej dhjetorit të vitit të kaluar.
26-vjeçari me Lillen ka zhvilluar 107 ndeshje ku ka kontribuar me 26 gola dhe 18 asistime. Kontrata i përfundon në verën e vitit të ardhshëm.