Arsenali e ka fituar ndeshjen dramatike ndaj Bournemouthit.
Të shtunën, Topçinjtë fituan 3:2 në “Emirates”.
Në fakt, mysafirët kishin epërsi prej dy golave. Shënuan pas nëntë sekondash me Philip Billing e dyfishuan në të 57-n me Marcos Senesin.
Por Arsenali u kundërpërgjigj shpejt. Barazoi rezultatin për tetë minuta. Thomas Partey realizoi në të 62-n, ndërsa Ben White në të 70-n.
Fundi ishte më dramatik. Në minutën e fundit të shtesave, Ryan Nelson realizoi për t’i dhënë tre pikë jashtëzakonisht të rëndësishme në luftën për titull Arsenalit.
Arsenali vazhdon ta ruajë distancën me Cityn. Ka 63 pikë në vendin e parë, pesë më shumë se City.