Arsenali e ka kryer në ndeshjen e parë punën sa i takon kualifikimit në çerekfinale të Ligës së Kampionëve. Të mërkurën mbrëma londinezët vetëm e konfirmuan vendin në mesin e tetë skuadrave më të mira evropiane.
Arsenali në “Emirates” barazoi 2:2 me PSV-në. Skuadrën holandeze e kishte mposhtur 7:1 në ndeshjen e parë të një të tetës së finales së Championsit.
Oleksandr Zinchenko shënoi golin e parë në ndeshjen e së mërkurës. Ai realizoi në minutën e gjashtë.
Kroati Ivan Perishiq shënoi për 1:1 në minutën e 18-të. Epërsinë e Arsenalit e ktheu Declan Rice. Ai realizoi për 2:1 në minutën e 37-të.
Rezultatin në 2:2 e barazoi Couhaib Driouech në minutën e 70-të. Shifrat më nuk ndryshuan.