Arsenali e ka fituar derbin e Londrës, të dielën. Arsenali mposhti në udhëtim Tottenhamin me rezultatin 2:0.
Kjo ndeshje i takoi javës së 20-të të Premier Leagues së Anglisë. Me këtë fitore, Arsenali është forcuar në pozitën e parë me 47 pikë, tetë më shumë se përcjellësi i parë, Manchester City.
Tottenhami zë vendin e pestë me 33 pikë. Ka një ndeshje më shumë se Arsenali. Gjatë tërë ndeshjes tek Arsenali u paraqit mesfushori Granit Xhaka.
Arsenali në epërsi kaloi në minutën e 14-të, me autogolin e portierit Hugo Lloris. Ndërsa golin e dytë realizoi Martin Odegaard në minutën e 36-të.