Kristjan Asllani shënoi një gol direkt nga këndorja për Arsenalin në fitoren ndaj Udineses mbrëmë në Kupën e Italisë.
Mesfushori shqiptar shkëlqeu me paraqitje të mirë, e cila u vulos edhe me gol.
E pas ndeshjes, ai tha se nuk i kishte ndodhur asnjëherë
“Nuk më kishte ndodhur kurrë të shënoja gol direkt nga këndi. Megjithatë sonte e rëndësishme ishte fitorja dhe jemi të lumtur sepse po u japim vazhdimësi rezultateve”, ka thënë fillimisht Asllani për faqen zyrtare të klubit.
“Grupi ynë është fantastik, ka një kimi të madhe mes nesh në dhomat e zhveshjes, ne dalim shpesh bashkë dhe kjo gjithashtu çon në rezultate”.
“Më duhet të falënderoj edhe Arnautovicin për mbështetjen e tij, sepse ai është një nga ata që gjithmonë ndihmon më të rinjtë dhe është thelbësor për të gjithë ne”, përfundoi mesfushori shqiptar.