Juventusi ka fituar përballë Bolognas në udhëtim të dielën mbrëma, në ndeshjen e xhiros së 15-të të Serie A.
Golin e vetëm në fitoren e “zonjës së vjetër” e realizoi mbrojtësi Juan Cabal, vetëm tre minuta pas inkuadrimit. Ai shënoi me asistim të Kenan Yildizit.
Torbjorn Heggem i Bolognas u ndëshkua me të kuq në minutën e 69-të pasi e pengoi Lois Opendan si futbollisti i fundit.
Juventusi më pas nuk e rrezikoi fitoren.
Edon Zhegrova nuk e fitoi rastin në këtë ballafaqim.
Juventusi ngjitet në vendin e pestë me 26 pikë, një më shumë se Bologna që bie në vendin e gjashtë.