Unai Emery ka debutuar me fitore në stolin e trajnerit te Aston Villa.
Skuadra e drejtuar nga spanjoll shënoi fitore të madhe kundër Manchester Unitedit, në ndeshjen e vlefshme për javën e 15-të në Premierligë.
Ndeshja e zhvilluar këtë të diel në “Villa Park” përfundoi me rezultatin 3:1.
Leon Bailey (7’), Lucas Digne (11’) dhe Jacob Ramsey (49’) shënuan golat e fitores për vendasit.
Ramsey (45’) ia dhuroi një gol “Djajve të Kuq” pasi shënoi autogol.
Aston Villa pas kësaj fitore ka 15 pikë dhe ndodhet në pozitën e 13-të, kurse Manchester Unitedi është i pesti me 23 pikë.