Ballina-2

    Autogoli i Xhakës i dhuron fitoren Juventusit, tifozët nuk përmbahen në rrjetet sociale (Pamjet)

    Granit Xhakës ka qenë protagonist për keq në miqësoren që Arsenal-i ka humbur 2-0 kundër Juventusit mbrëmjen e sotme. Mesfushori zviceran ka realizuar një autogol që i ka hapur rrugën fitores së bardhezinjve.

    Xhaka u kthye si titullar tek Arsenal-i pas aventurës në Kupën e Botës me Zvicrën. Megjithatë, ai ka bërë diferencën në mënyrën e gabuar duke dërguar topin në portën e tij gjatë një sulmi të Juventusit.

    Mesfushori ka mbetur keq kur ka parë se gabimi i tij i ka kushtuar shtrenjtë skuadrës dhe lojtarët e Juventus-it e kanë përkeqësuar situatën duke festuar para tifozëve të Emirates. Tifozët kanë reaguar menjëherë në rrjetet sociale, me njërin që ka shkruar: “Xhaka do të mërzitet shumë për atë gabim”.

    Një tjetër deklaroi: “Nuk mund të mos flasim për Xhakën. Ccfarë nuk shkon me Xhakën?”. Një tjetër ka shkruar: “Xhaka është i pakontrollueshëm. Mund të marrë të kuq në çdo moment”. Një tjetër ka shtuar: “Ka kohë që Xhaka nuk luan më si Xhaka. Më mungonte kjo”.