Hassan Hakimi, babai i mbrojtësit të Marokut, Achraf Hakimit, përcolli nga një sallë në Madrid ndeshjen gjysmëfinale të Kupës së Botës kundër Francës.
Franca e fitoi ndeshjen ndaj Marokut, por babai i Hakimit është krenar me paraqitjen e futbollistëve maroken në Katar.
Hakimi u lind në Madrid, ndërsa luajti për Realin përpara se të kalonte tek Interi. Aktualisht është lojtar i PSG-së.
“Ne jemi krenar për futbollistët tanë të cilët dhanë gjithçka për të arritur atje dhe ne duhet ta pranojmë rezultatin. Është një krenari e madhe për Marokun, për mbretin e Marokut, për popullin maroken dhe për vëllezërit tanë afrikan dhe arab. Fituese ishte Franca dhe urime Francës”, ka thënë babai i Hakimit pas ndeshjes gjysmëfinale.
Franca fitoi 2:0, ndërsa në finale të dielën do të takohet me Argjentinën. Maroku do të përballet me Kroacinë për vend të tretë të shtunën.