Boksieri Bashkim Bajoku është eliminuar nga turneu kualifikues për normë olimpike “Parisi 2024”. Bajoku i kategorisë deri 57 kilogramë u mposht të martën nga boksieri Asror Vokhidov i Taxhikistanit. Bajoku pësoi humbje 5:0.
Ndërkohë, vëllai i tij Shpetim Bajoku nuk u ngjit në ring. Ai nuk u lejua nga mjeku të paraqitet në ring.
Ishte ky rasti i fundit për boksierët për të siguruar normë olimpike. Më herët normën e siguroi Donjeta Sadiku. Sadiku do të jetë boksierja e vetme që do ta përfaqësojë sportin e boksit në olimpiadën e Parisit. Normën për “Parisi 2024” e kanë siguruar edhe pesë xhudistë.