Kampioni aktual i Kosovës, FC Ballkani nuk po kalon formë të mirë. Ai në pesë ndeshjet e fundit ka tre barazime dhe dy humbje, madje humbja e fundit ishte shumë e dhimbshme pasi u eliminua nga Kupa e Kosovës.
Ishte Prishtina ajo që e mposhti me rezultat 2:0.
Kjo formë jo e mirë e therandasve u komentua në mënyra të ndryshme , madje u tha se futbollistët nuk janë paguar tash e tre muaj dhe sigurisht që kjo ka reflektuar në skuadër.
Megjithatë këto lajme i ka demantuar Ballkani duke thënë se janë tendencioze pasi asgjë të vërtet nuk ka.
Postimi i plotë i FC Ballkanit:
Reagim,
Të dashur tifoz 🧡🖤
Duke e shfrytëzuar situatën sportive, ku si skuadër po kalojmë krizë rezultatesh, dikush ka ndërmarr një “ofensivë” linçuese, ku klubi që shkroi historinë ndërkombëtare të futbollit kosovar, akuzohet se nuk po i paguan lojtarët, qe 3 apo 4 muaj.
Fc Ballkani demanton fuqishëm çdo lajm të rremë në këtë aspekt, derisa sipas ligjeve në fuqi të Republikës së Kosovës, ne tashmë kemi bërë padi ndaj një personi që e nxori këtë shpifje në publik, ashtu siç do të veprojmë edhe ndaj të gjithë atyre që tentojnë ta përlyejnë emrin e pastër të klubit.
Rezultatet momentale të ekpit janë krye këput të aspektit sportiv, që lidhen me shumë faktorë, nga ngarkesa e kalendarit, lëndimet e futbollistëve, adaptimi i ngadalshëm i ardhjeve të reja, e poashtu edhe te forma e momentit. Nga kjo, bashkë me stafin teknik,dhe keta lojtar qe shkruajten historine do të dalim e do t’i kthehemi rezultateve pozitive.
Por assesi asgjë s’ka të bëj me shpifjet e ulta tendencioze.
Na priftë e mbara Suhareka Jonë 🙏🧡.