Kampioni i Kosovës në futboll, Ballkani, e ka mbyllur me barazim stinorin vjeshtor të Superligës së Kosovës në futboll. Ballkani të dielën barazoi pa gola në udhëtim te Gjilani, në ndeshjen e mbetur të xhiros së 13-të. Në ndeshjen e zhvilluar në terrenin me bar sintetik rastet nuk munguan, por gola nuk pati.
Për Ballkanin ishte ndeshja e pestë rresht pa fitore në Superligë dhe në Ligën e Konferencës. U mposht nga Llapi dhe nga Dinamo e Zagrebit, pastaj barazoi me Prishtinën pa gola, humbi nga Drita, dhe të dielën barazoi pa gola me Gjilanin.
Ndërkohë, Gjilani kishte dy disfata rresht nga Drita e Dukagjini, por mori pikë të vlefshme në garën për mbetje në ligë. Ballkani lider pas 18 ndeshjeve ka grumbulluar gjithsej 40 pikë, gjashtë më shumë se Llapi dhe Drita. Gjilani e mbyll vitin në vendin e tetë me 18 pikë.